Download Free Medical Drugs Affecting the Respiratory System PowerPoint Presentation

Drugs Affecting the Respiratory System PowerPoint Presentation

DOWNLOAD MEDICAL POWERPOINT PRESENTATION

About This Presentation

Description : Drugs Affecting the Respiratory System

Tags : Drugs,Respiratory System

Published on : Jan 06, 2021 | Views : 2425 | Downloads : 10

Shareable Url :

Embed Code :

Comment

Transcript

Slide 1-

АУС-330 3-р баг М. Золжаргал Б. Машбат Б. Цэндсүрэн Ж. Мөнгөнцэцэг И. Оюунгэрэл Амьсгалын системд нөлөөлөх эм
Slide 2-

ppt slide no 2 content not found
Slide 3-

Амьсгал сэргээх эм Амьсгалыг идэвхжүүлдэг эмийн зүйлийг үйлдлийн чиглэлээр нь 3 хуваана. Амьсгалын төвийг шууд идэвхжүүлдэг эм: Энэ бүлэгт сэтгэл сэргээх болон аналептик кофеин бемегрид ордог. Эдгээр эмүүд нь уртавтар тархинд байрлах амьсгалын төвийг шууд сэргээснээр амьсгал гүнзгий болж тоо нь олширно. Рефлексийн замаар амьсгал идэвхжүүлэх эм: Энэ бүлэгт Н-холиномиметик лобелин, цититон орно. Эдгээр эм гүрээний түүдгэнцрийн Hхолинорецепторыг идэвхжүүлснээр эндээс өгсөх сэрэл уртавтар тархинд очиж амьсгалын төвийг сэргээдэг. Эдгээр Н-холиномиметикүүдийг судсанд тарих ба үйлдэл нь богино хугацаагаар үргэлжилнэ Давхар үйлдэлтэй эм: Энэ бүлэгт кордиамин нүүрс хүчлийн хий орно. Эдгээр эм нь амьсгалын төвийг шууд сэргээхээс гадна гүрээний түүдгэнцрийн хеморецепторыг сэргээж рефлексийн замаар амьсгалыг идэвхжүүлнэ.
Slide 4-

Ханиалга дарах эм Ханиалга нь 2 замаар үүсдэг. Ханиалгын төв сэрэлд орсноос Бронх цагаан мөгөөрсөн хоолойн салст цочирсноос
Slide 5-

Төвийн үйлдэлтэй эм Кодеины фосфат (Codein phosphas) Опийд агуулагддаг фенантрены уламжлалын алкалоид. Ханиалгын төвийг дарангуйлж ханиалга намдаах хүчтэй үйлдэл үзүүлнэ. Мөн өвдөлт намдаах сул үйлдэлтэй. Амьсгалын төвийг эмчилгээний тунгаараа дарангуйлахгүй буюу бага зэрэг дарангуйлна. Удаан хугацаагаар хэрэглэвэл өтгөн хатах ба дасал шунал үүсгэнэ. 0,015г шахмал үйлдвэрлэнэ. Хэрэглэх заалт: Бэлдмэлийг бронхит Бронхопневмони Бронхоэктази Плеврит зэрэг өвчнүүдийн үед ханиалга намдаах зорилгоор хэрэглэнэ.
Slide 6-

Захын үйлдэлтэй эм Либексин (Prenoxdiazin) Амьсгалын дээд замын салст бүрхүүлийг мэдээгүйжүүлж ханиалгын эсрэг үйлдэл үзүүлнэ. Мөн бага зэрэг бронхын булчинг сулруулах үйлдэлтэй. Амьсгалын төвийг дарангуйлахгүй. Шунал үүсгэхгүй. Ханиалгын эсрэг үйлдэл нь 3-4 цаг үргэлжилнэ. Хэрэглэх заалт: Бэлдмэлийг амьсгалын дээд замын өвчнүүдийн үед болон бронхоскопын шинжилгээний үед ханиалга намдаах зорилгоор хэрэглэнэ. 0,1г шахмал үйлдвэрлэнэ.
Slide 7-

Цэр ховхлох эм
Slide 8-

Ацетилцистейн (АЦЦ) Ацетилцистейн нь цистейн амин хүчлийн уламжлалын цэр шингэлэх үйлдэлтэй бэлдмэл бөгөөд амьсгалын замд шүүрэл задалж гадагшлуулах үйлдэл үзүүлдэг. Бэлдмэлийн үйлдэл нь цэрний мукопротеидыг полимергүйжүүлэх ба мукополисахаридын гинжний дисульфидын холбоосыг задалснаар нөхцөлдөнө. Эдгээр үйлдлийн үр дүнд салсын зуурамтгай чанар багасна. Хэрэглэх заалт: Цочмог ба архаг бронхит Бөглөрөлтөт бронхит Ларинготрахеит Уушгины үрэвсэл Бронхын багтраа, бронхиолит Цочмог ба архаг синусит Дунд чихний үрэвсэл
Slide 9-

Бромгексин (Bromchexinum) Цэр шингэлэх ховхлох үйлдэлтэй бэлдмэл. Бронхын ялгаруулдаг хүчиллэг мукополисахаридууд, мукопртеинуудыг туйлшралгүй болгох замаар цэрний зуурмаг чанарыг багасгана. Бэлдмэл уушгины цулцангийн эсэд үүсдэг сурфактантын ялгаралтыг идэвхжүүлнэ. Үүнээс гадна бага зэрэг ханиалга дарах үйлдэлтэй. Бэлдмэлийг ховхроход бэрхшээлтэй өтгөн цэр дагалдсан трахеобронхит, архаг бронхит, бронхын багтраа, уушгины цочимог архаг үрэвсэл зэргийн үед хэрэглэнэ.
Slide 10-

Читамон (Chitamon) Шахмалд: Чихэр өвсний үндэсний нунтаг, тарваган шийрийн үндэсний нунтаг, натрийн гидрокарбонат орно. Сироп-т: тарваган шийрийн өвсний хандмал, чихэр өвсний шингэн ханд, натрийн бромид, сахарын сироп тус тус орно. Бэлдмэлийн найрлагад орсон чихэр өвсний ханданд агуулагдах глицирризиний хүчил цэр ховхлох, үрэвсэл намдаах, тарваган шийрийн өвсний хандмалд агуулагдах цитизин нь рефлексын замаар цэр ховхлох, натрийн гидрокарбонат нь цэр шингэлж ховхлох, натрийн бромид нь тайвшруулах үйлдэл тус тус үзүүлнэ. Амьсгалын замын өвчнүүдийн үед цэр ховхлох зорилгоор хэрэглэнэ.
Slide 11-

Флюдитек (Карбоцистеин) Бронхын салст бүрхүүлийн хундага хэлбэрийн эсийн сиалын трансфераза ферментийг идэвхжүүлснээр цэр шингэлэх ба ховхлох үйлдэл үзүүлнэ. Салст бүрхүүлийн нөхөн төлжилтийг нөхцөлдүүлэн түүний бүтцийг хэвийн болгох ба намираа хучуур эдийн үйл ажиллагааг идэвхжүүлнэ. Өтгөн, ховхроход бэрхшээлтэй цэр дагалдсан цочимог болон архаг амьсгалын замын өвчин. Өтгөн ховхроход бэрхшээлтэй салс дагалдсан дунд чих, хамар ба түүний дайвар хөндийн цочимог ба архаг үрэвсэл өвчин Гуурсан хоолойг дурандах болон зураг авахад бэлтгэх Бэлдмэлийг ховхроход бэрхшээлтэй өтгөн цэр дагалдсан трахеобронхит, архаг бронхит, бронхын багтраа, уушгины цочимог архаг үрэвсэл зэргийн үед хэрэглэнэ.
Slide 12-

Бронхын багтраа өвчний үед хэрэглэх эмийн зүйл Бронхын багтраа нь харшлын шалтгаантай амьсгал давчдах шинжээр илэрдэг өвчин юм. Энэ өвчний эмгэг жамын гол үндэс нь гистамин болон биологийн идэвхт бодисуудын ялгаралт ихсэх явдал бөгөөд эдгээр бодисууд нь бронхын булчинг агшааснаар амьсгал давчдах шинж илэрнэ. Бронхын багтраа өвчний хам эмчилгээнд дараах бүлгийн эмүүдийг хэрэглэнэ. Бронх өргөсгөх эм а. β2-адренорецепторыг сэргээдэг эм б. М-холинолитикүүд в. Бронхын булчинд шууд нөлөөлж сулруулах эм Харшлын болон үрэвслийн эсрэг эм а. Стероид бүтэцтэй үрэвслийн эсрэг эм б. Харшлын эсрэг эм Лейкотриены системд нөлөөлөх эм а. Лейкотриены нийлэгжлийг саатуулах эм б. Лейкотриены рецепторыг хориглодог эм IgE-ын эсрэг моноклональ эсрэг бие IL-5-ын эсрэг моноклональ эсрэг бие
Slide 13-

Бронх өргөсгөх эм
Slide 14-

Формотерол (Formoterol) Бронхын β2-адренорецепторыг сэргээснээр булчин суларна. β2 -адренорецептор сэргэснээр аденилатциклаза идэвхжиж эсийн доторх цАМФ-ын хэмжээ ихсэж актин миозины нэгдэхийг саатуулна. Ингэснээр булчин суларна. Хэрэглэх заалт: Бронхын багтраа Бронхын бөглөрөлтөт үрэвсэл Уушгины хатуурал Уушгины эмфизем Ураг зулбах аюул тулгарах
Slide 15-

Бронх өргөсгөх эм б.М-холинолитик эм: Энэ бүлгийн эмүүд нь холинидэвхт мэдрэлээр бронход очих агшаах сэрлийг саатуулснаар бронхын булчинг сулруулна. Өөрөөр хэлбэл бронхын М-холинорецепторт хориг үүсгэнэ гэсэн үг юм. Үүний дүнд эсийн доторх цАМФ багасаж булчин суларна. Энэ үед мөн тучный эсээс ялгарах агчил болгох үйлдэлтэй биологийн идэвхт бодисуудын ялгарал багасдаг. Бронхын багтраа өвчний үед энэ бүлгийн эмүүдийн идэвх адреномиметикүүдээс сул байна. Энэ бүлэгт: Атровент, Спирива, Гликопирронийн бромид
Slide 16-

Атровент (Ipratopium bromidum) Хэрэглэх заалт: Амьсгалын замын архаг бөглөрөлт өвчин Архаг явцтай бөглөрөлт бронхит Бронхын багтраа Спирива (Tiotrpium bromidum) Хэрэглэх заалт: Уушгины архаг бөглөрөлт өвчин Гликопирронийн бромид (Glycopyrronium bromide) Хэрэглэх заалт: Уушгины архаг бөглөрөлт өвчин
Slide 17-

Харшлын болон үрэвслийн эсрэг эм а. Стероид бүтэцтэй үрэвслийн эсрэг эм: Энэ бүлэгт глюкокортикоидууд орно. Глюкокортикоидууд тучный эсийн мембран болон гранулыг бөх бат болгох, β2 - адренорецепторыг мэдрэг болгох, бага зэрэг бронх өргөсгөх үйлдэл үзүүлнэ. Мөн тэдгээрийн үрэвслийн эсрэг ба дархлал дарангуйлах үйлдэл нь бронхын багтрааны үед сайн үр дүнтэй байдаг. Гол төлөөлөгч нь беклометазон дипропионат Будезонид флутиказон
Slide 18-

Беклометазон дипропионат (Beclometazone dipropionate) Бэлдмэлийн нөлөөгөөр бронхын салст бүрхүүлийн базофиль эсийн тоо цөөрөхөөс гадна бронхын булчирхайн шүүрэл, эпителийн хаван багасна. Мөн бронхын булчинг сулруулах, үрэвсэл харшлын эсрэг үйлдэл үзүүлнэ. Бронхын багтраа өвчний үед аэрозолиор хэрэглэнэ.
Slide 19-

б. Харшлын эсрэг эм: Энэ бүлгийн гол төлөөлөгч нь кромолин натри, кетотифен юм. Кромолин натри (Интал) Бронхын багтраа, бронхын агчлын үед хэрэглэхэд зориулагдсан бэлдмэл. Үйлдлийн механизм нь тучный эс ба түүний гранулын мембраныг бөх бат болгох, тучный эс ypyy кальци орохыг хориглосноор тэдгээрийн дегрануляци болохыг саатуулна. Үүний үр дүнд агчил үүсгэх бодисуудын (гистамин) чөлөөлөгдөлт багасна. 0,02г бүрээстэй үйлдвэрлэнэ. Бүрээстэй нунтгийг тусгай утуурын тусламжтайгаар амьсгалын замаар хэрэглэнэ.
Slide 20-

УУШГИНЫ ХАВАНГ ЭМЧЛЭХ ЭМ Уушгины хаван нь зүрх судасны өвчин, уушги химийн бодисоор гэмтэх, зарим халдварт өвчин болон элэг бөөрний эмгэг. тархины хавангийн үед үүсдэг эмгэг. Иймээс уушгины хавангийн эмчилгээний үндсэн чиглэл нь үндсэн өвчинг эмчлэх, хордлого болон гипоксийн эсрэг эмчилгээ юм. Артерийн даралт өндөр үед уушгины хаванг багасгах зорилгоор эхлээд артерийн даралтыг багасгахад чиглэгдсэн apra хэмжээ авна. Энэ зорилгоор ганглиоблокатор (бензогексоний, пахикарпин), судас өргөсгөх (натрийн нитропруссид) болон мөн α-адреноблокатор (фентоламин)-ыг хэрэглэдэг. Ингэж артерийн даралт багассанаар ерөнхий гемодинамик хэвийн болж улмаар зүрхний агшилт сайжирч бага эргэлтийн даралт багасдаг. Уушгины хавангийн үед наркозын үйлдэлтэй өвдөлт намдаах эмүүдийг (морфин, фентанил) өргөн хэрэглэдэг. Эдгээр эм нь захын артери венийг өргөсгөж зүрхний ачааллыг багасгаснаар бага эргэлтийн даралт буурна.
Slide 21-

Анхаарал хандуулсанд баярлалаа