Download Free Medical Bronchial Asthma PowerPoint Presentation

Bronchial Asthma PowerPoint Presentation

DOWNLOAD MEDICAL POWERPOINT PRESENTATION

About This Presentation

Description : As a result of the activation of the body's specific immune (sensitivity and allergy) and non-specific defense systems under the influence of many external and internal factors capable of increasing the reactivity of the bronchi, pathological changes such as contraction of the smooth muscles of the bronchi, increased secretion of mucous membranes, and swelling occur in the bronchi.

Tags : Bronchial,Asthma,Bronchial Asthma

Published on : Oct 17, 2022 | Views : 2139 | Downloads : 0

Shareable Url :

Embed Code :

Comment

Transcript

Slide 1-

Гуурсан хоолойн багтраа
Slide 2-

Тодорхойлолт Гуурсан хоолойн урвалж чанарыг ихэсгэх чадвартай гадаад ба дотоод олон хүчин зүйлүүдийн нөлөөгөөр бие махбодийн өвөрмөц дархлааны (мэдрэгжих ба харшил) ба өвөрмөц бус хамгаалах тогтолцоонууд идэвхижсэний үр дүнд гуурсан хоолойн гөлгөр булчин агших, салст бүрхүүлийн шүүрэл ялгаруулалт ихсэх, хавагнах зэрэг эмгэг өөрчлөлт бий болсноор гуурсан хоолойд эргэх онцлогтой бөглөрөлт үүсч, эмнэлзүйд гэнэт ханиалгах, амьсгаадах, бачуурах, исгэрсэн хуурай хэржигнүүр сонсогдох шинж тэмдгээр илэрдэг, архаг дахилтат явцтай бие даасан өвчнийг ГХБ гэнэ.
Slide 3-

Шалтгаан Дотоод хүчин зүйл: Удамшил, атопи, гуурсан хоолойн урвалж чанар өөрчлөгдөх(хэт ихсэх), биологийн согог
Slide 4-

Шалтгаан Гадаад хүчин зүйл халдварын болон халдварын бус гэж ангилна. Халдварын: Нян, вирүс, шавьж, мөөгөнцөр, паразит Хачиг Xалдварын бус: ургамал ба амьтны гаралтай агаарт дэгдсэн тоосонцрын аллерги Харшил төрүүлэх хүнс Зарим эмийн бодисууд
Slide 5-

Ангилал Шалтгаанаар нь: -гадаад шалтгаант -дотоод шалтгаант -хавсарсан Эмнэлзүйн явцаар нь: -намжмал -Хөнгөн -дунд зэрэг -Хүнд Үе шатаар нь: сэдрэлтийн намжилтын - намжилт тогтворгүй -намжилт тогтвортой(2 жилээс дээш)
Slide 6-

Эмгэг жам 1.Дархлааны үе шат - Аллергений нөлөөгөөр биемахбодын мэдрэгшил ихсэж, эсрэг бие буюу IgE дараах 3 үе шатыг дамжин үүснэ. Ялган таних үе шат - Амьсгалын замар орж ирсэн аллерги нь антиген илчлэгч эс (APC) макрофагд илчлэгдэн,АРС эс нь фагоцитозын замаар цитоплазмдаа орууран жижиг пептидүүд болгон задлаад, гадаргуу дээрээ МНС- II молекултай хамт илчилнэ.
Slide 7-

ЭМГЭГ ЖАМ Идэвхижих үе шат - Үүссэн (аллерген+МНСII) иж бүрдлийг Т эс өөрийн рецептор (TCR-T cell receptor)- ын Vα Vβ хувьсамхай хэрчимтэй холбож таньснаар "гэнэн" CD+4T эс идэвхижин Th2 -т хувирснаар харшлын урвалд оролцох IL3, IL4, IL5, IL6, IL9, IL 13, GM-CSF цитокинуудыг ялгаруулж, шингэний дархлааны тогтолцоог идэвхижүүлнэ. Ялгаран хөгжих үе шат - Их төлөв IL4, IL13 цитокинууд нь өөрсдийн рецептороороо дамжин В- лимфоциттой харилцанүйлчилж,ε- иммуноглобулины хүнд гинжний генийн транскрипцийг идэвхжүүлэх замаар IgE нийлэгжүүлдэг бол IL4, IL6, IL9 цитокинууд нь ШМЭ-ийг шууд идэвхижүүлэх, IL4, IL5,IL13, GM-CSF нь эозиноцилийг, IL4,IL5,IL13 нь базофилийг тус тус идэвхижүүлнэ.
Slide 8-

ЭМГЭГ ЖАМ 2. Медиатор бодис ялгаруулах үе шат - ШМЭ ба базофиль эсийн гөдөргууд байрлах FϲεRI рецептортой IgE холбогдон, улмаар давтан орж ирсэн аллергентай нэгдэж, тэдгээрийн харилцан үйлчлэлийн дүнд эсийн мембраны бүтцийн ферментийн тогтолцоог хүчтэй гэмтээж идэвхжүүлснээр медиатор бодисууд янз бүрийн хурдтайгаар гадагш ялгарна.Медиатор бодисуудыг дотор нь эсрэг бие ба эсрэг төрөгч 2 дөнгөж холбогдмогц шууд ялгарах медиаторууд, эс идэвхижих үед нийлэгжсэн медиаторууд гэж ерөнхийд нь ангилж үзнэ.
Slide 9-

ЭМГЭГ ЖАМ 3. Эмгэг физиологийн үе шат - Ялгарсан биологийн идэвхит бодис медиаторуудын үйлчэлээр гуурсан хоолой агчих, салст бүрхүүл хөөж хавагнан эсийн нэвчдэс үүсэх, булчирхайнууд нь цочирч шүүрэл ялгаруулалт нь нэмэгдэх зэрэг эмгэг өөрчлөлтүүд бий болсноор гуурсан хоолойд бөглөрөлт үүсч уушги агаараар огцом тэлэгдэж болно. Энэ тохиолдолд тэлэгдсэн цулцанг агшаах зорилгоор амьсгалын булчингууд рефлексээр хүчлэн агшиж, нарийссан нүхээр агаарыг гадагш хөөн гаргахад хугацаа их зарцуулдаг учраас амьсгал гаргалт удаашран, эмнэлзүйд амьсгаадах, бачуурах, исгэрсэн хуурай хэржигнүүр сонсогдох, шинж тэмдэг илрэх нөхцөл бүрддэг.
Slide 10-

Эмнэлзүй ГХБ-ны эмнэлзүйг 3 үе шат болгон авч үздэг. Багтралын урьдал үе Багтралын үе Багтрал намжих үе
Slide 11-

Эмнэлзүй 1. Хэдэн минут, цаг, өдрөөр үргэлжлэн, эмнэлзүйд хамраас нус гоожих, найтаах, нүд арьс загатнах, гэнэт бөгшүүлж ханиалгах, толгой өвдөх, ядрах, шээсний гаралт ихсэх, сэтгэл санаа тогтворгүй болох зэрэг шинж тэмдэг илэрдэг. 2. Агаар дутагдаж байгаа мэдрэмж төрж, амьсгаадах, амьсгал гаргалт бэрхшээлтэй болж авалтаасаа 2-4 дахин уртсаж, заримдаа исгэрсэн хуурай хэржигнүүр зайнаас сонсогдоно. 3.Хэдэн минутаас цаг өдрөөр үргэлжилж болох ба зарим тохиолдолд ямар ч хүндрэлгүйгээр богино хугацаанд багтрал тавигддаг бол зарим үед удаан үргэлжилж, хүндрэл гарах нь байдаг.
Slide 12-

Оношилгоо ГХБ өвчнийг зөвхөн эмнэлзүйн шинж тэмдэгт үндэслэн 99% оношлох боломжтой. Анамнезийг цуглуулахдаа: анхны багтраа хэзээ эхэлсэн гадаад шалтгаан, эмгэг жамын зарим онцлогийг тодруулах, тухайлбал салицилийн төрлийн эм, хүнсний бүтээгдэхүүний зохимж, ажил хийсний дараа хөдөлж байгаа эсэх удамшлын асуумж багтраанаас өөр атопийн өвчнүүдээр (харшлын гаралтай дерматит, ринит, чонон хөрвөш г.м) өвдсөн эсэх багтраа хэзээ , хаана , юутай холбоотойгоор хөдөлдөг өмнө эмчлүүлж байсан эсэх
Slide 13-

Бодит үзлэг Чагнахад: Тархмал исгэрсэн хуурай хэржигнүүр Тогшиход: далайц ба давтамж нь ихсэх хандлагатай хайрцган чимээтэй, уушгины доод хил хязгаар доошилсон, зүрхний туйлын дүлий чимээний хил хязгаар багассан, чагнахад амьсгал суларсан, тархмал исгэрсэн хуурай хэржигнүүр амьсгал гаргалт дээр илүү тод сонсогдож, судасны цохилтын тоо олширсон байна.
Slide 14-

Лабораторийн шинжилгээ ЦЕШ: эозинофиль ихсэж, ЭТХ бага зэрэг хурдсана ЦэрЕШ: эозинофилийн тоо ихсэхийн зэрэгцээ Куршманы мушгиа(багтрааны үед жижиг гуурсан хоолой хэвлэгдсэн өтгөн салсаар бөглөрөх), Шарко-Лейдений талст (эозинофилийн задралаар үүссэн 6 өнцөгт гялалзсан тунгалаг талсжсан уураг) тодорхойлогдох нь ГХБ-ны үеийн нилээд өвөрмөц шинж гэж үзэх ба мөн цөөнгүй тохиолдолд Креолын бие (хучуур эдийн эсээс тогтсон дугариг хэлбэртэй тогтоц) илэрнэ.
Slide 15-

ЛАБОРАТОРИЙН ШИНЖИЛГЭЭ Биохими: α 2 ,ϒ- глобулин, сиалын хүчил, серомукойд, фибрин, гаптоглобулин ихсэж болно Иммунологи: Цусан дахь Ig-уудын хэмжээ, ялангуя гадаад шалтгаантай ГХБ-ны үед IgE эрс ихсэхийн зэрэгцээ СТ8+Т эсийн тоо хэмжээ ба идэвхи буурна Спирографийн шинжилгээ- Ердийн спирографийн шинжилгээнд амьсгал дамжуулах зам саадтай болсныг илтгэх гол үзүүлэлт болох уушгины хүчилсэн амьдралын багтаамж (FVC) ба амьсгал гаргалтын эхний 1 секунд дэх хүчлэн гаргах амьсгалын эзлэхүүн (FEV1) буурч, түүнийг дагаад Тиффногийн индекс байнгын бууралттай болно.
Slide 16-

Багажын шинжилгээ Рентген шинжилгээ- уушгины талбайн агааржилт ихэссэн, 2 талын өрцний төвгөр доошлон хавтгайрсан, хөдөлгөөн хязгаарлагдмал болно. Хавирганы байрлал хөндлөн болж, хавирга хоорондын зай өргөсөх зэргээр багтраа даамжрах тусам уушги тэлэгдэх шинжүүд илүү тод илэрнэ. ЗЦБ: Зүрхний тэнхлэг баруун тийш хазайж, баруун тосгуурын ачааллын шинж илэрнэ
Slide 17-

Эмчилгээ Эмчилгээг төлөвлөхдөө ГХБ намжмал үедээ байна уу эсвэл сэдэрсэн үедээ байна уу гэдгээс хамааран тохирсон эмчилгээний зарчмыг баримтлана.
Slide 18-

ГХБ-ны сэдрэлийн бус үеийн эмчилгээ 1. Намжмал явцтай ГХБ Зайлшгүй тохиолдолд биеийн хүчний ачааллын өмнө урьдчилан сэргийлэх байдлаар богино үйлчилгээтэй β2 -агонистууд, кромогликат, тэдгээрийн хавсарсан бэлдмэл зэргийг цацлагаар хэрэглэнэ. 2. Хөнгөн явцтай ГХБ Дааврын бэлдмэл, кромогликат натри буюу недокромил эсвэл удаан үйлчилгээтэй теофиллиныг өдөр бүр цацлагаар хэрэглэнэ. 3. Дунд явцтай ГХБ Үрэвслийн эсрэг урьдчилан сэргийлэх эмчилгээ хийх шаардлагатай тул дааврын бэлдмэл , удаан үйлчилгээтэй β2 -агонистын хамт өдөр бүр цацлагаар хэрэглэнэ. 4. Хүнд явцтай ГХБ Эхний эмчилгээ нь дааврын бэлдмэлийг өндөр тунгаар удаан үйлчилгээтэй β2 -агонистын хамт өдөр бүр цацлагаар хэрэглэж, шаардлагатай гэж үзвэл удаан үйлчилгээтэй теофиллин, -агонист per os, ГК per os аль нэгийг нэмж хэрэглэнэ.
Slide 19-

ГХБ-ны сэдрэлийн үеийн эмчилгээ Гуурсан хоолойн багтрааны сэдрэлтийн үеийн эмчилгээнд баримтлах ерөнхий зарчим нь: ГХБ-ны сэдрэлтийн эрт үеийн шинж тэмдгийг өвчтөн өөрөө мэдэж, улмаар бие даан эмчилгээг эхэлсэн байх Богино үйлчилгээтэй β2-агонист (сальбутамол, фенотерол) - ыг спейсертэй тугнасан ингалятор буюу небулайкераар дамжуулан цацлагаар хэрэглэх ба сэлгэх эмүүдэд М-холинорецепторыг хориглогч (атровент), хавсарсан бэлдмэл (атровент - фенотерол) зэргийг авч болно. Хүндэвтэр ба хүнд сэдрэлтийн үед дээрх эмчилгээ үр дүнгүй байгаа тохиолдолд дааврын бэлдмэл хэрэглэнэ.
Slide 20-

ГХБ-ны сэдрэлийн үеийн эмчилгээ Хөнгөн явцтай ГХБ-ны сэдрэлтийн үед β2-агонист (сальбутамол - 2,5 мг, фенотерол -1мг) -ыг 1цагийн турш 20мин тутамд 1тунг цацлагаар хэрэглэхэд PEF>80% болж, 4 цагийн турш үр дүнтэй байвал эмчилгээг 24-48 цагийн турш 4цаг тутамд үргэлжлүүлэн хийдэг бол PEF<60% болж 1-2цагийн турш тодорхой үр дүнгүй байвал хүндэвтэр явцтай ГХБ-ны эмчилгээнд оруулна. Хүндэвтэр явцтай ГХБ-ны сэдрэлтийн үед β2-агонистыг 1цагийн турш 20мин тутамд 1тунг цацлагаар, ГК даавар хоногт 30-60 мг уухаар, эсвэл цацлагын ГК (будесонид 0,2мг/мл) небулайзераар өгч 1-3 цагийн турш ажигласны дараа PEF>70% болж, 4 цагийн турш үр дүнтэй байвал эмчилгээг 24-48 цагийн турш 4 цаг тутамд үргэлжлүүлэн хийж, харин PEF 50-70%, 1-2 цагийн турш багтрааны шинж тэмдэг илэрсээр байгаа бол яаралтай эмнэлэгт хэвтүүлнэ. PEF 50-30%, PaO2 <60mmHg, PaCO2>45mmHg болсон тохиолдолод хүнд явцтай ГХБ-ны эмчилгээнд оруулна.
Slide 21-

ГХБ-ны сэдрэлийн үеийн эмчилгээ Хүнд явцтай ГХБ-ны сэдрэлтийн үед β2-агонистыг цаг тутамд эсвэл байнга небулйзераар өгч, ГК даавар хоногт 30-60мг хэрэглэхэд FEV1 ба PEF>70% болж, 4 цагийн турш үр дүнтэй байвал эмчилгээг (β2-агонист +ГК per os)24-48 цагийн турш 4цаг тутамд үргэлжлүүлэн хийж, харин PEF 50-70%, 1-2цагийн турш багтрааны шинж тэмдэг илэрсээр байгаа бол эмчилгээг үргэлжлүүлэх, харин 1 цагийн турш багтрааны шинж тэмдэг даамжирcaн тохиолдолод яаралтай эрчимт эмчилгээний тасагт шилжүүлнэ